「裙腳仔」仲衰過軟飯王!裙腳仔的5個特質

「裙腳仔」係指一啲所有事情都以母親為中心,凡事聽從媽媽意見嘅成年男人。佢哋嘅人生完全依照媽媽嘅意思去行,欠缺獨立思考,冇主見冇責任感,經常將媽媽掛喺口邊,依賴母親幫佢做決定。有啲甚至連起居生活都要媽媽幫佢打理,成年後都要媽媽提供生活費。「裙腳仔」係現今非常不受女性歡迎嘅類型之一,快啲睇睇你嘅另一半,有冇以下幾個特質啦!

1. 抗壓能力低
因為由細到大都被人照顧得無微不至,所以只要稍為多少少壓力,對佢哋來講都已經足以致命。

2. 無法自己做決定
凡事都要先詢問媽媽意見,內心缺乏自信,而且冇承擔、冇責任感,所以習慣依賴其他人(尤其媽媽)幫佢做決定。

3. 不擅交際(多數)
佢哋之所以不擅交際,主要係因為一般人同佢哋溝通嘅時候,都會發現佢哋嘅思維簡直係匪夷所思,甚至會令人想翻白眼,而好多時仲係涉及一啲常識型問題。

4. 婚後要同父母一齊住
唔係每個婚後同父母住嘅都係裙腳仔,但裙腳仔想同父母住嘅原因唔係因為孝順,而係因為父母可以滿足佢嘅生活要求,包括金錢上嘅支持同埋生活上嘅照顧,所以堅持同父母同住嘅裙腳仔,都有一種「老母比老婆好用」嘅概念。

5. 開口埋口「阿媽話」
「阿媽話……」、「以前阿媽……」、「阿媽都係……」諸如此類,呢啲都係佢哋口講夜講嘅口頭禪。


資料來源:女人幫

相關文章