【抗疫大作戰】買唔到消毒濕紙巾可以點?用廚房紙DIY消毒濕紙巾冇難度!

武漢肺炎疫情仍然嚴峻,市面上嘅消毒防疫用品都出現搶購潮,左撲右撲都買唔到消毒濕紙巾,又唔想「食炒價」可以點?大家不妨試試用廚房紙DIY消毒濕紙巾。

首先將一大卷廚房紙切成兩半。建議使用品質較好而且較厚身嘅廚房紙。

將切好嘅廚房紙放入尺寸剛好,可以密封嘅盒入面。

然後,將350ml蒸餾水同埋60ml 濃度75% 嘅異丙醇 (isopropyl alcohol) 或藥用酒精(rubbing alcohol),倒入另一個容器內。

再加4滴洗潔精入上述嘅混合液體中攪勻。

將特製液體倒入廚房紙。

等5分鐘,待廚房紙完全吸收液體。5分鐘後,睇起來應該同下圖一樣。

最後,將中間嘅牛皮紙筒取出。

消毒濕紙巾就大功告成!每次用完記得要蓋返好個盒蓋,以免濕紙巾變乾。


資料來源:妙計

相關文章