【武漢肺炎】新型冠狀病毒可存活手機表面24小時!醫生教你3大清潔要訣

武漢肺炎蔓延全球,目前確定除咗飛沫傳染外,新型冠狀病毒都會透過接觸傳染,包括大家每日都用緊嘅手機。日本綜藝節目邀請咗一名醫生講解3大清潔要訣,以做好防疫措施。

日本綜藝節目《 教えてもらう前と後 》因應武漢肺炎嘅嚴重性,日前請來研究呼吸道疾病嘅專家大谷義夫院長,佢表示比起粗糙嘅表面,病毒更喜歡停留喺光滑嘅表面,同時指出病毒喺前者只會生存15分鐘,而喺後者可以存活長達24小時,因此提醒市民要注意清潔手機,仲提供咗3個清潔要訣。

首先消毒液要識揀,好多人會用高濃度酒精直接抹屏幕,但咁做會損害電子產品嘅機身,建議使用電子產品玻璃清潔液來清潔。

選擇清潔布方面,最好購買「細纖維布」或者「眼鏡布」,同時用清潔液來擦拭手機屏幕,如果以紙巾代替嘅話,恐怕會刮花屏幕。

最後要注意嘅係,避免將清潔液倒落電子產品上面清潔,咁做會難以控制份量,導致多餘液體流入機身入面,造成零件損壞等。


資料來源:ETtoday

相關文章