【百潔布含菌量高過廁所20萬倍!】如何正確清洗百潔布?

英國著名營養師休伊彭寧頓認為,廚房係全屋最污糟嘅地方,尤其係百潔布。雖然每次用完都會用洗潔精清洗,感覺非常乾淨,但一定會有肉眼睇唔到嘅細菌殘留。百潔布嘅環境滿足晒所有細菌滋生嘅條件,殘留嘅食物係佢哋嘅營養來源,室溫同水分亦都有利於細菌繁殖,就算點樣清潔都避唔開沙門氏菌同大腸桿菌等細菌嘅侵襲。 英國《每日郵報》嘅一項研究指出,一般家庭用百潔布嘅細菌含量比廁所高出20萬倍!


百潔布的正確清洗方法

日本3M家庭用品開發技術部主任,有「海綿博士」之稱嘅原井敬表示,以下幾種清潔方法都係錯誤:

1) 用熱水煮:雖然可以有效除菌,但水必須要達100℃以上,而一般海綿嘅耐熱度只有90℃,超過呢個溫度會容易變形。

2) 微波爐:微波爐只適用於耐熱度140℃以上嘅器具,溫度過高會變形。

3) 漂白水:雖然都有殺菌效果,但會破壞纖維,令百潔布容易損壞。

4) 吊起晾乾: 使用夾子等工具夾住海綿晾乾,夾子夾住嘅位置較難乾,細菌仍然容易繁殖,亦都容易損傷百潔布。

5) 洗碗碟機:洗碗碟機嘅強力清洗功能,會令百潔布容易損壞,烘乾功能更加有起火燃燒嘅危險。

6) 太陽曬乾:紫外光對海綿有害,會縮短使用壽命。


以下係原井敬建議嘅百潔布清洗方法:
將百潔布用熱水(75~90度)淋約一分鐘,之後立即用凍水洗乾淨,然後擰乾、放置於通風處。


百潔布應多久換一次?
德國基森大學應用微生物研究所建議,應該一星期更換一次。如果覺得浪費或者唔環保,專家建議改用唔透氣同唔吸濕嘅矽膠製洗碗刷。

 

資料來源:早安健康

相關文章