【廁紙可以吸走雪櫃異味?】

雪櫃用得耐肯定會有異味,不過唔駛擔心,只要將一卷廁紙放入雪櫃,你會發現好快就冇晒異味。廁紙有好強嘅吸水功能,可以吸除雪櫃入面帶有異味嘅水分,所以只要喺雪櫃入面放一卷廁紙就可以除臭,建議一個月更換一次。

其實放過入雪櫃嘅廁紙只係略帶濕氣,如果你覺得好地地一卷廁紙就咁掉咗好浪費,可以用來抹餐枱上面嘅湯汁,或者廚房地磚嘅油漬,只要唔好放喺洗手間用就可以。

毛巾或者棉布都可以除去雪櫃異味,喺雪櫃嘅每一層都放置一條純棉毛巾或者棉布,毛巾上面嘅微細小孔可以吸走雪櫃入面嘅氣味,每星期拎出來清洗晾乾後,可以再次放入雪櫃使用。


廢物利用除雪櫃異味方法

1) 橙皮:食完橙後,將橙皮留返,放入一個碗仔然後放入雪櫃。橙皮可以自然散發出香味,而且具有一定嘅吸臭功效,2日更換一次即可。

2) 咖啡渣:吸除雪櫃異味能力最強,也最持久,可以除味長達4日。

3) 茶葉:將50克茶葉用紗布袋裝好,放入雪櫃,可除去異味,如果用花茶,效果更好。半個月後,將茶葉取出,放喺陽光下面曬乾,可以重覆多次使用。


其它除雪櫃異味方法

1) 蘋果:蘋果自然散發出來嘅香氣可以對抗雪櫃嘅臭味,而且蘋果本身嘅氧化過程中,都可以吸收臭味。一星期更換一個蘋果即可。

2) 食用醋:將食用醋倒入闊口玻璃樽,放入雪櫃,除臭效果不錯。

3) 麵糰:麵糰係一個網上流傳嘅另類方法,將100克麵粉加入80克水,揉成光滑嘅麵糰。用保鮮紙將麵糰包好,用牙籤喺保鮮紙上面拮幾個小孔,放入雪櫃即可吸味。一般10日左右更換一次效果最好。

 

資料來源:大紀元

相關文章