【孕婦個肚細 代表個胎都細?】孕婦肚子大小的決定因素

【孕婦個肚細  代表個胎都細?】孕婦肚子大小的決定因素

有啲準媽媽懷孕冇耐,個肚就好明顯,但有啲準媽媽陀咗7-8個月,個肚都好似人哋有咗5、6個月咁。點解會差咁遠呢?其實,懷孕後,準媽媽個肚嘅大細同好多因素有關。


準媽媽肚子小,不代表胎兒也小

其實,就咁睇個肚,係睇唔出胎兒嘅大細,要參考超聲波結果先至比較準確。有啲孕媽個肚大到好似陀緊雙胞胎,但寶寶出世時,體重只有2.5公斤。有啲孕婦個肚好細,生出來嘅寶寶竟然有3.5公斤。所以,孕肚大小同胎兒大小冇必然嘅關係。


準媽媽肚子大小,由這些因素決定

1) 準媽媽體型
比較肥胖嘅孕婦,腹部脂肪比較多,個肚睇起嚟都會較大。

2) 羊水量
如果準媽媽嘅羊水量較多,個肚自然會大啲。

3) 盆骨大小
如果準媽媽嘅盆骨比較窄,肚子會向前突出,睇起嚟就會比較大。

4) 胎盤位置
胎盤位置喺子宮嘅前壁,一般叫前懷,睇起嚟肚子會比較大。

5) 懷孕次數
因為初次懷孕時,腹壁會被拉扯,之後肚皮都會變得較鬆。所以,孕婦再懷孕嘅時候,會覺得個肚比第一胎大。


如果準媽媽想胎兒嘅體重適中,懷孕期間就要注意飲食,令體重維持喺正常增長範圍之內。

以下係懷孕期間嘅理想體重增長速度:

懷孕早期:增長1-2公斤;

懷孕中期和懷孕晚期:增長0.3-0.5公斤/周(肥胖孕婦增長0.3公斤/周);

整個孕期:增長10-12公斤(肥胖者增長7-9公斤)。


一旦跌出呢個範圍,就要注意調整飲食。


資料來源:壹讀

相關文章