【父母有6個特徵容易遺傳畀小朋友】

父母有6個特徵容易遺傳畀小朋友

寶寶出世後,身邊嘅人都會熱烈討論寶寶生得比較似媽媽定爸爸。 作為父母,總會希望寶寶可以遺傳到自己嘅優點,到底有邊啲父母嘅特徵會遺傳畀小朋友呢?


1) 膚色
其實寶寶嘅膚色,基本上係由爸爸同媽媽嘅膚色混合而成。換句話講,如果爸爸媽媽嘅皮膚都比較黑,基本上唔會生得出皮膚白嘅寶寶。如果父母其中一人皮膚白,另一人皮膚黑嘅話,寶寶嘅膚色就會比較中性。如果父母嘅皮膚都白,寶寶嘅皮膚就唔會黑得去邊。


2) 下巴
下巴係一個好明顯嘅顯性遺傳,如果父母其中一人有突出嘅大下巴,咁寶寶出世後都會有一個類似嘅下巴。


3) 雙眼皮
雙眼皮都係屬於顯性遺傳,而且有趣嘅係,如果爸爸係雙眼皮,基本上都會遺傳畀寶寶。有啲小朋友出世時係單眼皮,但隨著寶寶長大,都會變成雙眼皮。除此之外,大眼睛、高鼻樑、長眼睫毛等五官方面嘅特徵,都會遺傳畀寶寶。


4) 肥胖
如果父母二人都比較肥胖,寶寶會有一半以上嘅機會率遺傳到肥胖體型。如果父母其中一人比較肥胖,寶寶肥胖嘅機率就會降低到40%。由此可見,寶寶以後肥定瘦,有接近一半因素係人為可以決定,所以寶寶出世後要注意均衡營養,控制體重。


5) 身高
身高有70%取決於遺傳,如果父母二人都較高,寶寶將來有好大機會係高人。如果父母只有其中一人較高,另一人較矮,身高就會取決於其他因素。


6) 禿頭
禿頭係一個「傳男不傳女」嘅特徵,如果爸爸有禿頭問題,囝囝就好有可能將來都會變禿頭。如果外公係禿頭嘅話,會有25%嘅機會率遺傳畀外孫。如果爸爸同外公都係禿頭,咁囝囝嘅禿頭機率會係100%。

 

資料來源:Q博士

相關文章