【孕婦食西瓜會「陀唔穩」?】

孕婦食西瓜會「陀唔穩」?

炎炎夏日,好多準媽媽都有一個疑問,就係孕婦可唔可以食西瓜呢?長輩們普遍認為食西瓜容易令胎兒「陀唔穩」,係咪真㗎?

孕婦可以食西瓜嗎?

答案係可以食!西瓜嘅含水量高達94%以上,含有大量葡萄糖、果酸、果糖、蛋白氨基酸,仲有豐富嘅維他命 A、B、C、D 等。準媽媽喺懷孕期間食西瓜可以為自己同寶寶提供豐富營養。

懷孕初期,西瓜可以生津止渴,對於舒緩孕吐有好大幫助。到咗懷孕後期,大部分準媽媽嘅身體都會出現不同程度嘅水腫,食西瓜可以利尿消腫,亦可以達到降血壓嘅效果。

可以食,但唔可以亂食

冰鎮西瓜唔食得
溫度過低嘅西瓜容易引發宮縮,導致早產!另外,切開咗嘅西瓜要儘快食晒,即便放入雪櫃冷藏都會好容易滋生細菌,令孕婦腸胃不適。

食西瓜份量要節制
準媽媽食西瓜雖然有好處,但都唔可以放任咁食,建議孕婦每日食用唔超過200g。懷孕期間孕婦體內分泌公發生好大變化,胰島素分泌會相對下降,對於血糖嘅穩定作用會隨之而下降。因為西瓜含有大量葡萄糖,攝入過量會造成血糖濃度過高,有機會導致妊娠糖尿病,增加流產風險。

避免飯前飯後食西瓜
西瓜含有大量水分,飯前飯後進食西瓜會沖淡胃液,影響消化。


資料來源:元氣網

相關文章