【如何分辨真假三文魚?】虹鱒魚不是三文魚!

假三文魚 虹鱒魚

大部分香港人食壽司或者刺身都會揀三文魚,但食三文魚而染寄生蟲嘅事件近年經常有發生。本港早年都曾經傳出有食肆疑以「冒牌貨」淡水虹鱒魚來製作三文魚刺身餐盒,但眾所周知,淡水魚有寄生蟲,不宜生食。

事實上單睇虹鱒魚肉確實同三文魚相似,令到好多人都唔識分辨。其實,虹鱒魚同三文魚有好多不同之處,以下係兩者嘅辨別方法。

外表比較:

1) 三文魚體型細長如潛水艇狀,而虹鱒魚體型較寬,腹部較大;

2) 三文魚魚鱗細小,用肉眼好難睇得出,而虹鱒魚魚鱗較大較明顯;

3) 三文魚身上嘅斑點係白色、灰色、黃色、橙紅色同鮮紅色,而虹鱒魚身上嘅斑點係黑色或者深啡色。

魚肉比較:


↑↑三文魚


↑↑虹鱒魚

1) 三文魚肉色澤鮮明,肉呈橙紅色,而虹鱒魚肉色呈深紅色;

2) 三文魚脂肪紋(白色條紋)清晰,不含血跡或瘀痕,而虹鱒魚肉脂肪紋路較硬而且好淺,同三文魚明顯嘅脂肪層有好大分別;

3) 三文魚肉質有光澤,堅挺有彈性,而虹鱒魚肉質光澤暗淡,鬆軟冇彈性。

資料來源:頭條巴士

 

相關文章