話咁快又有咗?兩胎太接近對孕婦3大影響

如果產婦嘅體力等生理狀態仲未完全恢復就再度懷孕,將有可能造成以下影響:

1. 營養易失調

整個孕期,胎兒所需嘅養分(例如葉酸、蛋白質、鈣、鐵)都係來自母體,即使媽媽有坐月,實際上體力同免疫力等都未完全恢復。如果太快有第二胎,就會造成未來得切補返第一胎消耗嘅營養,就要繼續為孕育下一胎而努力,孕媽有較大機率會發生「營養失調」,會容易疲倦同生病等。

2. 體態回復慢

產後至少6個月,大部分媽媽下半身嘅內外肌肉仍然處於較鬆弛狀態,體重亦都未回復到標準水平。如果咁快就有咗第二胎(特別係冇運動習慣嘅孕婦),有較大機會造成體重上升較快、肌肉力量不足、子宮迅速撐大(而鬆弛)等狀況,生產後需要更多時間來恢復體態。

3. 併發症發生率高

如果媽媽嘅身體未完全恢復就再度懷孕,孕期又冇好好控制體重,罹患妊娠高血壓、糖尿病或子癇前症嘅機會將大大增加。第二胎產後,產婦嘅營養會大量流失,比起第一胎,缺鐵、鈣等營養素嘅可能性高,往後容易出現骨質疏鬆、貧血等問題。


資料來源:媽媽寶寶懷孕生活網

相關文章