小朋友唔夠瞓同抑鬱症有關? 研究:睡眠充足的兒童認知能力和心理健康較優勝

最近,復旦大學腦智能科學同埋技術研究院院長馮建峰領銜國際合作團隊進行咗一項研究,揭開咗兒童發育時期睡眠時長同腦結構、認知能力、心理健康嘅關係。研究結果已發表於國際知名雜誌《分子精神病學》(Molecular Psychiatry)。


睡眠問題係腦科學研究嘅重要問題,大部分腦疾病例如抑鬱症、焦慮症、帕金遜症等都同睡眠問題有密切關係。研究團隊對近11,000名兒童嘅睡眠時長進行分析,發現睡眠時長同眶額葉皮層、前額葉、顳葉、楔葉以及緣上回等腦區嘅皮層面積呈正相關,而精神病理 (包括抑鬱、焦慮、衝動行為) 同睡眠時間則呈負相關,顯示睡眠時間同兒童嘅認知能力、心理健康(特別係抑鬱症狀)有明顯關聯,睡眠時間較長嘅兒童喺認知能力同埋心理健康方面,都比睡眠時間較短嘅兒童優勝。

隨住電子產品嘅普及,睡眠不足同埋睡眠障礙問題喺世界各地嘅兒童同青少年中越嚟越普遍。「同睡眠時長有9~11小時嘅兒童相比,睡眠時長少於7小時嘅兒童行為問題總分高出53%,而認知總分低7.8%,凸顯咗充足睡眠對於兒童認知同埋心理健康嘅重要性。」馮建峰表示,充足睡眠對於兒童腦部發育非常重要。


資料來源:建康界

相關文章