【武漢肺炎】德國研究:病毒依附物件表面長達9日!3種成分可有效消毒

德國一項最新研究發現,如果人類病原體依附喺物件上面可存活最多9天,咁新冠肺炎患者接觸過嘅物品表面,都有可能有相同現象。

科學家針對SARS同埋MERS進行咗22項研究,發現喺特定溫度範圍內,人類病原體喺物件表面可以存活最多9日(病毒數量1000萬,塑膠表面,室溫)。

報告顯示,上述研究嘅病毒,通常喺木頭、紙張、鋁、塑膠同埋玻璃表面,可以存活大約4~5天。葛賴伊夫斯瓦爾德大學醫院(Greifswald University Hospital)醫生坎普夫(Günter Kampf)指出,通常較低嘅溫度同較高嘅濕度都有利於病毒能維持較長時間嘅生命。

研究團隊建議各醫院可以用幾種方法消毒物件表面,包括0.1%次氯酸鈉水(sodium hypochlorite)、過氧化氫(Hydrogen peroxide),或者62~71%乙醇,都可以有效喺1分鐘內降低依附喺物件表面嘅冠狀病毒感染性。

這項研究嘅條件同埋所得出嘅結論,畢竟只係眾多研究當中嘅一種,美國疾病管制與預防中心(CDC)對新型冠狀病毒嘅睇法較為保守,「目前尚未可以完全確定,一個人是否會因為接觸過殘留病毒嘅物件表面,再接觸自己嘅眼鼻口之後,就會感染病毒。」


資料來源:ETtoday

相關文章