第一胎冇嘔,第二胎嘔到反艇!懷孕點解會「害喜」?

約7至8成孕婦會有孕吐症狀,每個人對荷爾蒙嘅適應程度都唔一樣,冇孕吐嘅女性,身體對於荷爾蒙變化嘅適應能力較強,而有孕吐症狀嘅孕媽體質比較敏感,特別係懷雙胞胎嘅孕婦,由於體內嘅hCG (人绒毛膜促性腺激素)、黃體素、雌激素、濃度較高,容易出現噁心、嘔吐等反應;而本身有暈浪、偏頭痛或者母親姊妹曾經有嚴重孕吐,有孕吐嘅機率都會提高。


另外,如果準媽媽嘅孕吐較嚴重,亦都代表呢一胎嘅胎盤功能比較好,胎盤所分泌嘅黃體素、雌激素、hCG都比較多,可降低流產機率。有啲孕婦表示第一胎冇孕吐,但第二胎反而孕吐嚴重,其實每胎嘅情況唔一樣,每一胎都係冇相關性獨立事件,唔可以一概而論。

大部分孕媽需要一段時間適應荷爾蒙變化,懷孕12~16週後,情況會越來越穩定,害喜症狀會逐漸減少。懷孕初期,嗅覺以及腸胃都會變得非常敏感,當聞到某啲氣味或者食到某啲食物,就會刺激到嘔吐嘅反射。另外,如果孕媽吵喺懷孕期間受到極大壓力,都有可能會引發孕吐。


資料來源:每日頭條

相關文章