世衛建議:3歲以下嬰幼兒食品禁止加糖

7月15日,世界衛生組織發佈咗一份調查報告,喺2016年至2017年間,佢哋抽檢咗英國、丹麥同埋西班牙市面上嘅嬰兒食品,發現部分生產商喺食品入面加入咗果蓉等糖分。如果嬰兒經常食用呢啲食品,會造成蛀牙、肥胖等多個健康問題,建議禁止生產商喺3歲以下嬰幼兒食品入面加入糖分。

嬰幼兒食用含糖食品5大健康問題

1. 易致蛀牙

3歲以下小朋友嘅牙齒屬於乳齒,乳齒嘅礦化程度比較低,當甜食進入口腔後,細菌通過代謝將糖轉化成酸,而酸會令到牙齒脫礦,造成蛀牙。

2. 容易肥胖

進食太多甜食會導致嬰幼兒肥胖,如果唔及時控制,小朋友長大後,持續肥胖、有糖尿病等代謝疾病嘅風險會比其他人高。

3. 導致偏食、營養不良

甜味會刺激大腦分泌多巴胺,小朋友食到甜味會感到「開心」,佢哋會慢慢對其他冇甜味嘅食物失去興趣。久而久之,小朋友會容易養成偏食習慣,進而造成營養不良。

4. 容易造成近視

攝入過量甜食會導致血鈣濃度降低,造成視網膜彈力減弱,影響眼球壁發育,增加日後近視嘅發生率。

5. 影響終身飲食習慣

食用過多甜食會抑制嬰幼兒嘅食慾,令小朋友終身依賴糖,導致飲食唔均衡,影響身體發育同埋智力發展,養成不良飲食習慣,進而造成一大堆健康問題。嬰幼兒期係養成清淡飲食嘅重要階段,少糖少調味不但有利於小朋友嘅健康,亦都可以提升佢哋對各種天然食物口味嘅接受程度,從而降低偏食挑食嘅發生率。

 
資料來源:每日頭條

相關文章