小朋友攝取太多糖分會變蠢?飲食「少油」竟然係大忌!

小朋友專注力不足點算好?人嘅專注力、學習能力同埋記憶力,都係來自腦部嘅神經活動,而腦部神經活動嘅主要能量來源,就係糖。所以,想小朋友可以專注、有效咁學習同埋增強記憶力,就要「穩定」咁供應糖分畀腦部。

如果小朋友攝入過量嘅澱粉同埋糖,但唔夠肉類,糖就會快速衝上去,好會似電器爆電一樣,小朋友嘅情緒會變得好高漲,好興奮,坐唔定,容易激動,無法安靜,專注力一定不足,學習同埋理解能力都會大受影響。過咗一陣,衝上去嘅血糖就會一下子跌返落嚟,當血糖去到谷底嘅時候,就會好似電器電力不足,接觸不良咁連吓斷吓。斷電嘅時候,儲存喺腦入面嘅記憶就會冇晒影,尋日背嘅書今日就忘記得一乾二淨。

想穩定咁供應能量畀腦部,最好嘅方法就係均衡飲食,亦即係每次食用含糖食物嘅同時,必須攝入足量嘅肉類來取得平衡。當糖有足夠嘅肉類拉住,就可以喺身體入面慢慢上升;因為上升得慢,返轉頭嘅時候亦都會慢慢下降。上下都慢,就可以達至穩定供應能量。

飲食「少油」未必好

好多人因為健康理由,都會嚴格遵守「少油少鹽」嘅飲食原則,但原來我哋腦入面有60% 都係膽固醇,小朋友腦部發育係需要脂肪。除此之外,合成部分荷爾蒙嘅必需元素,亦都係膽固醇。

所以,當小朋友嘅飲食缺少油分,腦結構成長以及荷爾蒙合成都會受到影響。另外,維他命 A、D、E、K 都係親脂類嘅維他命,如果油分攝入不足,佢哋嘅工作都會受到阻礙。

 

資料來源:ETtoday

相關文章