「精子殺手」點止煙酒!4大「傷精」習慣 +「養精」4招

好多人都知,長期吸煙或者飲酒會對精子造成永久性嘅損傷。酒精可以令70%嘅精子發育異常,即使卵子同精子可以成功結合,導致嬰兒畸形或者有智力問題嘅機率都會明顯增加。由此可見,煙酒係精子嘅「頭號殺手」。

其實除咗煙酒,仲有4大「傷精行為」:

1. 長時間坐低

長時間坐低會導致私處冇得透氣,前列腺長期處於充血狀態,不單止嚴重影響男性前列腺健康,仲會容易導致精子處於溫度過高嘅環境而難以生存,嚴重影響男性生育能力。

2. 捱夜

年輕人特別鍾意捱夜,因為好多人認為唔捱夜就代表你不再年輕!但其實捱夜最傷腎,會令腎功能下降,精子質量自然會與日衰減!

3. 玩手機時間太長

受到電磁波影響,經常使用智能手機嘅成年男人比手機使用量低嘅男性精子流動性較差。

4. 飲水少

飲水少會導致毒素喺體內積聚,導致腎功能下降,影響精子數量同埋品質。

除咗以上不良習慣要改,仲要注意以下幾點:

1. 積極做運動

研究顯示,經常做運動嘅男性比冇做運動嘅男性精子產量更高。

2. 多食番茄

番茄含有豐富嘅茄紅素,可以改善精子嘅活力、活性同埋結構,清除損害精子嘅自由基。

3. 多食南瓜籽

南瓜籽含豐富嘅鋅,對於精子生長起到重要作用。

4. 減少食用豆製品

豆製品雖然含有植物蛋白,但男性食用過量嘅話,有可能導致腎功能衰退,降低精子數量。

 

資料來源:壹讀

相關文章