BB病咗食乜好?邊啲食物會降低免疫力?

小朋友病咗唔肯食嘢,作為父母一定會好擔心!到底小朋友生病嘅時候,飲食上需要點樣調整呢?我哋聽聽營養師點講啦!

小朋友生病期飲食3重點

1. 補充足夠水分

攝取充足水分比起食有營養嘅食物來得更重要,嬰幼兒就特別要注意。

*建議補充來源:稀釋果汁、清湯、電解水等。

2. 少食多餐,均衡飲食

想獲得最高嘅能量,三餐應該以易消化嘅均衡什錦粥物為主,配料可以加蛋、豆、新鮮魚類等,加入適量低纖維蔬菜,切碎熬煮成粥。

3. 補充高質蛋白,避免過多甜食

高質蛋白有助增加身體修復能力,例如:豆腐、豆漿、蛋類、配方奶等;而甜食會消耗體內嘅維他命B,令身體恢復較慢,所以要避免攝入加咗蜂蜜(1歲以下唔可以食用)或者糖分含量高嘅飲品或食物。

調節日常飲食,提升免疫力

1. 餵哺母乳,為健康打好基礎

2. 營養均衡飲食

3. 避免降低免疫機能嘅食物

油炸食品、汽水、顏色鮮豔嘅精緻醣類 (即係碳水化合物類,唔好以為係糖類) 等,都會降低免疫力,因為佢哋會消耗有助於提升免疫系統嘅營養素,而且會減弱免疫細胞嘅功能,甚至抑制營養素嘅吸收。

 

資料來源:華人健康網

相關文章