咩係胎毒?邊啲孕婦需要清胎毒?

聽講孕婦喺懷孕後期需要清胎毒,否則BB出世後皮膚會變差。究竟咩係胎毒?係咪所有孕婦都需要清胎毒呢?



咩係胎毒?

「胎毒」係BB嘅脂溢性皮膚炎,呢種病症可能同媽媽嘅內熱體質有關。BB出世後,面上會出紅疹、嚴重嘅過敏性疾病、黃疸、濕疹、都被認為係喺媽媽肚入面嘅時候受胎毒影響所致。

胎毒嘅來源

如果孕婦喺懷孕前一向都係容易熱氣嘅體質,懷孕後有內熱嘅機會就更大。如果孕婦懷孕期間大魚大肉又食大量補品,進食太多辛辣同埋煎炸食物,就會加重體內嘅熱氣。孕媽嘅「內火」、「內熱」好有可能會傳畀胎兒,而導致BB出現濕疹等,就係所謂嘅「胎毒」所致。

點樣清胎毒呢?

孕婦嘅內火、濕熱,可以透過平和、清淡嘅食物同埋食療去調和。

降內熱嘅食療包括飲綠豆湯、食綠豆粥降火;仲可以食蓮子粥,用沙參、玉竹煲湯或糖水,都有滋陰潤燥嘅作用。呢啲食療都比較溫和,懷孕後期可以一星期進食一至兩次。另外,多飲水有助於排毒,係副作用最少嘅降火、清內熱方法。與其到懷孕後期先考慮降內火,倒不如從懷孕早期就開始調理,喺整個懷孕期保持飲食健康,胎兒出世後就冇咁容易受胎毒影響。


資料來源:每日頭條

相關文章