研究:每日食核桃可以改善精子質素

好多人都知食核桃可以補腦,但原來男人食核桃除咗補腦,仲可以降低前列腺癌嘅風險。一項最新嘅研究發現,男性每日食核桃可以提高生育能力。

來自UCLA嘅一項針對117名年輕男性嘅研究入面,大約一半人平均每日進食75g核桃,連續食12周,其餘參加者就冇食核桃嘅對照組。研究發現12周後,同對照組相比,每日有食核桃嘅參加者嘅生育能力得到明顯改善,特別係精子嘅形態同埋活動能力。研究發現核桃含有維持生命必須嘅營養素,例如植物性ω- 3脂肪酸,亦都叫做α-亞麻酸(ALA),呢啲物質對於改善男性生殖健康係非常重要。

另外,核桃入面嘅ALA仲可以減低染色體畸形嘅風險,或者精子染色體異常而導致唐氏綜合症等基因異常嘅風險。

 

資料來源:華人健康網

相關文章