BB嘔奶「濁親」可致窒息!嬰兒嗆奶家長應該點做?

點解初生BB咁容易嗆奶?

嗆奶,其實就係有奶水進入咗BB嘅氣管而引起嘅反應。導致初生嬰兒嗆奶嘅原因有幾個:食太多奶太飽或者奶量太大、餵奶姿勢唔正確、感冒引致呼吸唔暢順、胃酸倒流等都係造成嗆奶嘅常見原因。

嗆奶對BB嘅危害

嗆奶有可能導致吸入性肺炎、肺部感染等,嚴重甚至會出現呼吸困難同埋有窒息嘅可能。

BB嗆奶如何急救?

首先,家長應該要知道基本嬰兒護理常識,基本心肺復甦方法,同埋要識得判斷寶寶嘅狀況,一般輕微吐奶,寶寶會自己調節返,只要冇吸入氣管,家長觀察一下就可以。

如果BB大大啖吐奶,就要小心BB會嗆奶,家長需要迅速將BB打側瞓,避免吐出嘅奶水流入氣管同埋喉嚨,然後清潔乾淨口腔同鼻。

如果嗆奶比較嚴重,BB面色變紫,呼吸困難,就要即刻將BB翻身趴喺家長嘅大腿上面,用力拍打背部直到奶水順利吐出或者用力刺激BB嘅腳板底,令BB覺痛到喊出聲,繼而可以自主呼吸,然後觀察BB有冇異樣,如果有就要立即送去醫院檢查。

對於經常吐奶嘅BB,應該注意餵奶方式、姿勢等,唔好餵過量,食奶後幫BB掃風直到BB打嗝,可以有效防止BB吐奶,減少嗆奶嘅發生。

 

資料來源:壹讀

相關文章