孕婦都會出濕疹?4種準媽媽最易中招!

濕疹並唔係BB先會有,有啲孕媽都會受到濕疹困擾。以下就睇睇邊啲準媽媽較容易患上妊娠濕疹。

1. 敏感體質的孕婦:呢種孕婦好容易喺懷孕期出現濕疹等皮膚問題。而且好多時呢種體質都會遺傳畀BB,會出現濕疹、哮喘等過敏性疾病。

2. 慢性感染病的孕婦:例如患有慢性膽囊炎、扁桃體炎、腸道寄生蟲等疾病。

3. 靜脈曲張的孕婦:因為懷孕期子宮會受到壓迫,有啲孕婦嘅陰部、陰道黏膜、肛門、直腸同埋下肢會出現靜脈曲張,呢個情況同外陰部濕疹嘅發病有密切關係。

4. 精神緊張的孕婦:懷孕時如果孕婦受到神經精神因素影響,例如過分焦慮同擔心等都有可能引發濕疹。


孕婦患上濕疹點算好?

孕婦出現濕疹後應該搵出病因,避免接觸過敏源,並且及早治療,唔可以拖。

另外,患者要禁止飲酒同埋進食易致敏、辛辣刺激嘅食物,避免太過疲累同埋精神緊張,要注意皮膚衛生,沖涼時水溫唔好過高,同埋唔好用刺激性嘅止痕藥膏。


舒緩孕婦濕疹的食物

1. 苦瓜:苦瓜含有奎寧,有清熱解毒、祛濕止癢嘅作用。

2. 番茄:番茄含有豐富嘅維他命A、B1、B2、B3、C、E,仲有蘋果酸、檸檬酸,鈣、磷、鐵同埋番茄鹼等物質。番茄鹼有抑菌消炎、降低血管通透性,所以患處塗抹番茄汁治療濕疹可以達到止痕嘅功效。

3. 韭菜:韭菜含有胡蘿蔔素、維他命B、維他命C及鈣、磷、鐵、蛋白質、纖維等。韭菜具有解毒祛濕嘅作用,所以韭菜汁外搽對於治療濕疹有一定幫助。


資料來源:壹讀

相關文章