孕婦食西瓜會導致早產?

夏日炎炎,喺冷氣房入面食西瓜係一件好享受嘅事。

但係好多孕婦都知道西瓜係寒涼之物,擔心食咗之後會影響BB導致早產、流產,所以就算美食當前,都要忍足10個月。

到底「孕婦食西瓜有利於分娩」嘅說法到底可唔可信呢?懷孕期間可唔可以食西瓜?聽下醫生點講啦!

醫生表示:懷孕期間唔係唔食得西瓜,而係要避免食冰冷食物,而且要控制份量。

對於冰凍食物,因為孕婦食用後會宮縮,嚴重仲會早產,危害BB生命,所以太凍嘅食物,例如冰凍西瓜,孕婦都要避免食用。


懷孕期間點食西瓜先健康?

1. 控制份量

西瓜清甜又多汁,好容易會唔小心食多咗,但西瓜嘅血糖生成指數GI值好高,如果冇控制食量,就可能誘發妊娠糖尿病。

一次食用唔好超過2塊,而且要新鮮食用,放耐咗唔可以食,因為可能含有大量細菌。

2. 唔飲西瓜汁

如果將西瓜榨成西瓜汁,糖分就更容易被身體直接吸收,孕婦飲用後血糖會加速升高。

有啲媽媽覺得鮮榨西瓜汁唔夠甜,會加糖或者蜜糖,但都會加重身體負擔。

所以孕婦可以放心食西瓜,但一定要少食,食新鮮,同埋唔食冰鎮西瓜。

 

資料來源:壹讀

相關文章