懷孕胃酸倒流好辛苦? K.O胃酸倒流唔使靠藥物!

懷孕期間胃酸倒流通常出現喺第1孕期晚期或第2孕期早期,好多孕婦都會出現呢個問題。準媽媽會有胸口灼熱感覺,噁心、打嗝、上腹痛、聲音沙啞、慢性咳嗽、消化不良等症狀,呢啲症狀會隨著孕肚變大而越嚟越明顯。

胃酸倒流唔會影響BB健康,一般可以透過調整飲食作息去舒緩,消化內科醫生建議以下方法:

調整飲食:

1. 少食多餐、細啖飲水
一次過食太多或者飲太多水會令胃部瞬間膨脹,增加胃部壓力,最好少食多餐、分次飲水,飲水嘅時候盡量細啖。

2. 少食刺激胃酸分泌嘅食物
檸檬、橙、柑、柚子、番茄、菠蘿等酸性水果容易刺激胃酸分泌,含有咖啡因同埋薄荷成份嘅食物就會令食道括約肌放鬆產生泛酸,呢啲食物會加重胃酸倒流症狀。高油高糖嘅油炸食物會減慢消化系統運作;含有大量可可鹼嘅朱古力都會容易令食道括約肌鬆弛,呢啲食物都會導致胃酸倒流。

2. 多食保護胃黏膜嘅食物
秋葵、山藥、南瓜、蕃薯、木瓜、椰菜、薑具有抑制胃酸、保護胃黏膜、修復潰瘍、幫助消化嘅作用,適合腸胃功能較差或者有腸胃疾病嘅人食用。乳酪可以改善腸道菌叢、提升消化功能,同樣有保健腸胃嘅作用。

調整作息:

1. 睡覺時左側躺
右側躺時胃比食道高,容易胃酸倒流,左側躺時胃比食道低,就冇咁容易產生胃酸倒流問題。

2. 睡覺墊高頭部
平訓容易令胃酸倒流,瞓覺時用多一個枕頭就可以避免。

3. 飯後3小時避免平躺
胃平均需要4~5小時清空食物,飯後預留3小時畀胃部充分消化食物,呢段時間最好保持上半身直立。


另外,著寬鬆衣物亦都有幫助,因為太緊嘅衫會壓迫胃部導致胃部容量縮細、腹壓增加,懷孕期間應該著寬鬆衣物避免壓迫到胃部。

 

資料來源:ETtoday

相關文章