冇BB一定係女人有問題?3個壞習慣影響精子質素!

最新研究發現,不單止女性需要擔心自己嘅生殖能力,男人嘅精子質量喺35歲之後就會下降。到底有咩習慣會影響精子嘅健康呢?

1. 鍾意食肉

好多男人都鍾意食肉,容易攝取太多蛋白質,雖然蛋白質係製造精子嘅主要原材料,但係如果維他命攝取量唔足夠,就會令受孕變得困難。所以,有打算生兒育女嘅男士進食肉類要有節制。

2. 唔鍾意食蔬菜同水果

好多男人都唔鍾意食蔬果,但蔬果含有嘅維他命,正正就係男性生殖生理活動需要嘅。例如維他命A同維他命E可以延遲衰老、減慢性功能衰退,對精子嘅生成、提高精子活躍度都有好好嘅效果。如果男性長期缺乏蔬果嘅維他命就可能影響到前列腺正常發展,令精子變少或者影響精子正常活動能力,嚴重嘅可致不孕。

3. 煙酒過多

研究發現,食煙超過一年嘅男性嘅精子畸形率超過20%,食煙時間同精子畸形率成正比增長。每日食30支煙或以上嘅男性,精子存活率只有40%,而酒精就會導前列腺功能下降,令精子嘅染色體異常。如果呢啲唔健康嘅精子同卵子結合,就會令BB先天性畸形或者智力下降。

 

資料來源:每日頭條

相關文章