小朋友發展遲緩有咩症狀?

小朋友發展遲緩會表現喺好多方面,有體格發展遲緩、語言發展遲緩、智力發展遲緩同埋運動發展遲緩,可以係單方面嘅發展遲緩或多方面。


1. 體格發展遲緩
體格發展遲緩嘅小朋友嘅身型都同同齡小朋友唔同,例如身材矮少,生長速度緩慢,身體發展唔平均等等。

2. 語言發展遲緩
語言發展遲緩係比較常見嘅症狀,主要表現係語言表達能力欠佳,唔可以完整表達自己意思,遲遲都未識講嘢,唔清楚,少說話,表達能力比同齡小朋友遲四至五個月就算係語言發展遲緩。

3. 智力發展遲緩
小朋友喺智力方面發展遲緩,表現係學習成績差,學習跟唔上進度,理解能力同思考能力落後,對外界事物唔理解,社會發展行為都比同齡小朋友落後。

4. 運動發展遲緩
小朋友行路、爬行、抬頭等動作都比同齡嘅小朋友慢,動作笨拙,肢體唔協調,出現手腳唔靈活嘅症狀。


唔同程度嘅發展遲緩會對小朋友產生唔同程度嘅不良影響,小朋友喺成長過程中,發展遲緩唔單止會影響小朋友嘅社交,亦都會影響小朋友嘅自理能力,小朋友嘅生活自理困難都會對家庭造成沉重嘅負擔。

家長一定要多啲留意小朋友嘅一舉一動,當發現小朋友有發展遲緩症狀時要及時去醫院檢查。家長們唔可以心存僥倖,要儘快檢查及早治療。

 

資料來源:每日頭條

相關文章