BB便秘食咩水果最好?

BB幾日冇排便媽媽就會好緊張,便秘到底可以食咩水果改善?食邊種水果最好? 今次就為大家詳細介紹下。


改善便秘,香蕉唔夠蘋果好

好多人都覺得食香蕉可以潤腸通便嘅作用,所以有唔少便秘嘅人會經常食香蕉嚟舒緩。其實香蕉對某啲人係唔可以解決便秘,反而會造成大便乾結。

眾所周知,香蕉未成熟嘅時候外皮都係青綠色嘅,香蕉肉會苦到食唔落。熟咗嘅香蕉就會冇咗苦澀味,香甜美味,深受小朋友同老人家歡迎。

生香蕉嘅苦澀味係來自香蕉入邊大量嘅單寧酸。當香蕉成熟,雖然已經食唔出苦味,但係單寧酸嘅成份仍然喺度。單寧酸具有非常強嘅收斂作用,可以將糞便形成乾硬嘅糞便,造成便秘。最常見嘅係老人家同小朋友食完香蕉後,唔單止幫助唔到排便,反而造成明顯便秘。

具有潤腸通便作用嘅食物有好多,例如蘋果、番薯、粟米等等。

蘋果含有豐富嘅膳食纖維——果膠,所以蘋果喺通便問題上都可以起到雙向調節作用。當大便乾硬,食多啲蘋果可以有潤腸通便作用。

蘋果嘅果膠可以吸收自己本身容量嘅2.5倍嘅水份,令糞便變軟容易排出,可以解決便秘。當肚瀉時,蘋果嘅果膠又可以吸收糞便嘅水份,令稀便變杰身,有止瀉作用。蘋果呢種雙向調節作用好溫和,適合老人家同小朋友。另外,番薯、粟米、燕麥、蕎麥等等粗糧都含有豐富膳食纖維,可以防止便秘。

 

資料來源:字媒體

相關文章