【3種小朋友至愛零食 竟然係智商殺手!】

1) 果凍

果凍係由增稠劑、香精、食用色素、糖精等製成, 如果經常攝入呢啲添加劑會影響小朋友嘅發育同埋智力發展。

果凍唔單止有嚴重嘅食品添加劑問題,小朋友進食時仲有可能被果凍哽喉嘅危險。所以,專家提醒各位家長,小朋友食果凍嘅時候要小心,避免果凍哽住喉嚨,造成窒息。

各位媽媽可以選擇自己DIY甜品代替果凍畀寶寶食,將甜品切得細細件,小朋友唔單止冇咁易哽到,而且媽媽仲可以自己控制用料同份量,安全又健康。

2) 可樂

可樂含有咖啡因成份,會危害到小朋友未發育好嘅各個組織器官。即使可樂嘅咖啡因含量好低,長期累積起嚟,咖啡因就會越嚟越多,對小朋友嘅腦部發育影響最大。

可樂唔單止係“智力殺手”,仲係“身高殺手”。小朋友飲用含有咖啡因嘅飲品,骨骼會變得好脆弱。

小朋友喺成長過程入面,會透過食物或者鈣類營養品嚟補充鈣質,促進鈣沉積喺骨頭上面,幫助小朋友正常發育。但係咖啡因有一種阻礙血液裏面嘅鈣沉積到骨頭上嘅作用,同埋已經沉積咗喺骨頭上面嘅鈣遇到咖啡因仲會脫鈣,令到骨密度減低,時間耐咗小朋友會好容易出現骨折情況。

3) 爆谷

爆谷含鉛量好高,鉛進入人體會損害神經、消化系統同埋造血功能,會減慢小朋友嘅發育速度、抵抗力下降。

米本身含鉛量唔算高,點解一“爆”含鉛量就飆升呢?因為喺爆谷機嘅鐵罐入面同埋封口位都有一層鉛或者鉛錫合金,當鐵罐加熱嘅時候,有部分嘅鉛會以鉛煙或者鉛蒸氣嘅形式出現,當迅速減壓爆米嘅時候,鉛就會好容易被疏鬆嘅爆谷吸住,令到爆谷受到污染。

 

資料來源:阿波羅新聞網 

相關文章