【蠶豆症BB唔聞得臭丸同白花油!】蠶豆症患者有咩禁忌?

蠶豆症係香港最常見嘅新陳代謝遺傳病,醫管局資料顯示,香港每100個男嬰就有4.5個患者,而女嬰每1,000個就有5個。今次就同大家探討下呢個疾病。

認識蠶豆症

蠶豆症嘅學名稱為葡萄糖六磷去氫酵素缺乏症(Glucose-6-phosphate Dehyrogenase Deficiency,G6PD Deficiency),葡萄糖六磷去氫酵素係葡萄糖代謝中嘅一個重要酵素,當紅血球遇到外來氧化壓力時,葡萄糖六磷去氫酵素可以協助形成還原性物質NADPH,保護紅血球不受破壞,蠶豆症患者因為缺乏葡萄糖六磷去氫酵素,遇到特殊藥物、感染或者某啲特殊化學製品嘅情況下,就會令到紅血球發生溶解,引發黃疸或者溶血性貧血等嚴重症狀。萬一初生嬰兒發病,情況可以非常嚴重,更有可能對嬰兒造成永久性傷害,例如:失聰、四肢活動不良、智力受損等等。

蠶豆症患者應避免接觸的物質

1) 食物類:蠶豆製品。

2) 薄荷製品:香口膠、曼秀雷敦、白花油、漱口水都可能含有薄荷。

3) 樟腦製品:樟腦丸、冬青膏,天然樟樹製品不會引起溶血,須注意的是合成樟腦製品。

4) 中藥:黃蓮、金銀花、牡丹皮、冰片、龍膽、珍珠粉、大黃、柴胡。


蠶豆症患者只要避開唔可以接觸嘅藥品同物品,一樣可以過正常人嘅生活。但要切記喺服用藥物之前一定要先詢問醫生。

 

資料來源:微笑藥師網

相關文章