【點解小朋友咳極都唔斷尾?】 家長可能犯咗4個禁忌

小朋友抵抗力差,容易病,經常感冒咳嗽。雖然咳嗽只係小毛病,但就總係拖拖拉拉醫唔好,其實好多時都同家長嘅行為有關。小朋友咳嗽後,家長要注意以下幾個禁忌。


1) 錯誤進食

小朋友唔舒服,有啲家長會專登餐餐都大魚大肉幫佢補身。但醫生建議咳嗽時忌進食油膩食物,否則易生肺熱,加重咳嗽症狀,糖果等含糖類較高嘅食物都唔適合,會惹痰,令咳嗽更加嚴重。寶寶咳嗽期間飲食應該以清淡易消化為主,忌生冷、油膩、酸甜食物。


2) 咳嗽就立即服用止咳藥

小朋友一咳嗽,家長就即刻餵佢食止咳藥。其實咳嗽只係某種疾病嘅症狀,例如感冒、支氣管炎、肺炎、過敏性鼻炎等都會引發咳嗽。其實咳嗽未必完全係壞事,係人體呼吸道受到刺激後嘅反應,如果立即止咳,刺激物可能無法通過咳嗽排出體外,停留喺體內繼而引發更嚴重嘅咳嗽。正確做法係查明咳嗽原因後,對症治療,盲目服用止咳藥只係治標唔治本。


3) 穿太多衣服

小朋友出現咳嗽,好多家長嘅第一反應就係覺得佢冷親,會幫小朋友著多件衫,導致身體溫度過高,散唔到熱,反而會加重咳嗽。咳嗽期間正常著衫就可以,家長可以用手摸小朋友頸背部來判斷佢有冇著夠衫,如果頸背部發涼即係著唔夠衫,潮濕發熱即係著得太多。


4) 做過多運動

好多家長都發現,小朋友咳嗽明明已經停咗,一做運動又開始咳,到底係咩一回事呢?其實係因為做劇烈運動時氣管擴張,導致分泌物增加,如果寶寶咳嗽仲未徹底好返,就會容易復發。所以小朋友咳嗽時,應避免進行劇烈運動。

 

資料來源: iFuun

相關文章