【孕婦情緒會影響BB性格】準媽媽要Keep住好心情!

好多研究顯示,孕婦嘅精神狀態、情感、行爲、意識可以引起體內激素分泌異常,影響胎兒嘅性格形成。懷孕期間媽媽嘅心情好與壞,係決定寶寶性格其中一個重要因素。

隨著寶寶一日一日咁長大,寶寶同媽媽嘅心靈感應會越來越明顯,如果媽媽心情好,寶寶自然會安靜愉快;相反,如果孕婦心情憂鬱,缺乏活力,寶寶出世後會經常哭哭啼啼,長大後心靈脆弱。

所以爲咗腹中寶寶著想,準媽媽應該時刻注意自己嘅情緒,調整心態,儘量排除負面情緒,令自己儘快恢復平靜狀態。


孕婦如何改善情緒?

1) 看喜劇或者喜劇書籍
懷孕期間經常睇喜劇或者喜劇書籍,可以幫助調節準媽媽嘅情緒,忘記唔開心嘅事,開懷大笑可以舒緩繃緊嘅神經。

2) 做自己喜歡做的事
孕婦應該經常做自己鍾意嘅事情,心情都會變得愉快,當然要以健康為前提,好似長時間上網、食垃圾食物都唔適合。聽音樂、睇書、畫畫都係唔錯嘅胎教行為。

3) 減少工作量
懷孕期間適當減少工作量,對於穩定情緒有好大幫助。工作壓力太大會令人身心疲憊、情緒煩躁,對寶寶造成不良影響。

4) 找朋友傾訴
搵朋友傾訴係一個舒緩情緒嘅好方法。生活中難免會遇到不如意嘅事,如果將負面情緒全部都積壓喺心入面,不但會影響胎兒嘅性格,仲會導致免疫力下降。情緒低落嘅時候得到朋友嘅開導同安慰,會好快就走出谷底,恢復平靜。

5) 放鬆訓練
心情唔好嘅時候,準媽媽可以嘗試喺床上平躺,全身放鬆,想象自己瞓喺春天嘅花叢入面,或者喺沙灘曬緊太陽。經常進行放鬆訓練,有助於舒緩緊張情緒,改善心情。


資料來源:iFuun

相關文章