【藜麥作為「超級食物」 對孕婦有咩好處?】藜麥對孕婦的6個好處

藜麥對孕婦的好處

1) 促進胎兒發育
藜麥含有豐富蛋白質,係人體嘅主要成分,亦都係胎兒、嬰兒生長發育必需嘅營養素。藜麥含有嘅蛋白質幾乎係其他穀物嘅兩倍,而且品質亦都係最高,屬於完全蛋白,能夠幫助孕婦補充足夠嘅優質蛋白,不但有助胎兒發育,仲可以預防妊娠毒血症等併發症,刺激乳腺,增加乳汁分泌。

2) 補充微量元素
藜麥含鐵量係大米、小麥、粗麥粉嘅三倍。孕婦如果缺少鐵質,會導致心慌氣短、頭暈乏力,胎兒宮內缺氧、大腦發育障礙。藜麥可以為孕婦提供適量嘅鐵質,避免以上問題發生。除此之外,藜麥嘅錳、鈣對再生系統非常重要,可以確保胎兒嘅智力同骨骼發育正常,豐富嘅鋅可以防止胎兒發生中樞神經系統畸形、宮內發育遲緩、大腦發育受阻,仲有助孕婦產後子宮恢復、防止產後出血。

3) 解決便祕問題
便祕係懷孕期間常見嘅症狀。藜麥含有豐富膳食纖維,進入人體被發酵後嘅產物可以增加糞便嘅重量同體積,加快腸道蠕動,具有通便功效。

4) 美容養顏
懷孕期間分泌嘅雌激素會增加,導致黑色素沉澱形成色斑,而且孕婦嘅身陳代謝會減慢,體內毒素無法排走,都會導致孕婦皮婦變差。藜麥嘅維他命E可以平衡雌激素,令細胞保持活躍,肌膚保持彈性有光澤,仲可以淡化色斑。

5) 防止流產
維他命E不但可以改善孕婦嘅皮膚問題,仲有助預防習慣性流產、先兆流產嘅發生。因為維他命E可以增加孕婦體內嘅孕酮含量,孕酮可以抑制子宮嘅興奮性,令受精卵安全生長,幫助胎盤產生。

6) 快速修身
藜麥本身就係天然嘅減肥恩物,含有人體所需嘅基本營養素,熱量低,進食後會產生飽腹感,促進腸道蠕動,提升新陳代謝。美國著名歌手Beyoncé產下女兒後,就係靠食藜麥瘦身,短短3個月就減去26公斤。


資料來源:找話題

相關文章