【BB肥肥白白代表發育良好?】寶寶超重不但健康問題一大堆 仲影響埋智力!

寶寶食得瞓得,健建康康係爸媽們最開心嘅事。但係,如果小朋友食得太多,反而會遂漸養成不良飲食習慣,導致寶寶胃口越來越大,最終造成超重。到底寶寶超重會有咩問題?應該點樣幫寶寶控制體重呢?

影響寶寶骨骼生長
體重超標嘅寶寶因為唔夠靈活、身體太重,會影響寶寶學行,寶寶正處於生長發育旺盛時期,骨骼中含有機物嘅比例大,受力過度會容易彎曲變形,出現膝外翻或內翻、筋內翻等癥狀。關節部位長期負重,容易造成磨損而出現腿或關節痛。超重會令寶寶缺乏運動,亦都有可能影響認知發展。

心肺功能差
體重超標嘅人好多都會有嗜睡、高血脂、心肺功能減弱、脂肪肝、關節炎等,由於寶寶胸部同腹部嘅脂肪積聚較多,會喺一定程度上影響心臟嘅舒張同肺呼吸,影響心肺功能,例如肺活量減小等。呼吸困難、肺泡換氣不足會導致紅細胞增多,甚至發生心臟增大、充血性心力衰竭、肺炎、支氣管炎等危險。

代謝障礙
寶寶超重會導致全身各種代謝障礙,肥胖發生嘅年齡越細,肥胖病史越長,代謝障礙就越嚴重,成年後患糖尿病、高血壓、冠心病、膽石、痛風等疾病嘅機率就越高。

影響寶寶智力
如果寶寶嘅腦組織中含脂肪量過多,面積增大,血液帶氧不足,大腦經常處於缺氧狀態,會容易出現頭暈、噁心等現象,容易導致思維遲鈍,記億力差,嚴重影響寶寶智力。

長遠危害大
隨著寶寶慢慢長大,超重有可能導致一連串嘅併發症,例如肥胖症、睡眠窒息症、高血壓、皮膚感染等,患糖尿病嘅風險亦都會增加。動作笨拙,反應遲鈍,被同伴取笑都容易令寶寶自尊心受挫,缺乏自信,對寶寶身心健康發展非常不利。


如何幫助寶寶控制體重?

1) 合理安排飲食
寶寶嘅飲食中避免食用高熱量、高脂肪嘅食物,適當控制脂肪同碳水化合物嘅攝入量。如果條件允許,盡量餵母乳,因為坊間嘅配方奶粉中,糖、脂肪同蛋白質含量普遍都偏高,飲用過量容易致肥。已經加固嘅寶寶要增加每日進食蔬菜嘅比例,蛋白質唔應該低於總熱量嘅20%,其中乳製品、蛋、魚、蝦、瘦牛肉、豆製品等優質蛋白應佔總蛋白質攝取量50%以上。如果餵食配方奶粉,要按照不同月齡嘅標準奶量餵寶寶,沖奶粉時切勿提高濃度。

2) 少量多餐,減慢用餐速度
唔好強迫寶寶加快進食速度或者食晒指定份量嘅食物,畀寶寶習慣慢慢咀嚼食物先吞嚥,有利於消化吸收,減少脂肪積聚。每餐嘅份量唔可以太多,亦都唔好準備過多零食。

3) 不要太早吃固體食物
太早加固會提高肥胖機率。因為寶寶嘅消化吸收能力有限,固體食物容易轉化成脂肪,有可能致肥。

4) 讓寶寶多運動
平時多啲帶寶寶出門玩,增加寶寶嘅活動量,再配合適當嘅飲食安排,一定會令寶寶體重減輕。

 

資料來源:Q博士

相關文章