【如何區分ADHD與好動兒童?】

過度活躍症與好動兒童的區別

其實過度活躍症 (ADHD) 並唔係指小朋友好動成日扎扎跳,而係小朋友嘅身體會不受控制咁一直抖動。有啲小朋友可能天生好動,精力旺盛,父母就誤以為小朋友患上過度活躍症,到底過度活躍症同好動兒童有咩分別呢?


好動兒童與過度活躍症的區別

1) 正常好動嘅小朋友,雖然都有注意力不集中嘅表現,但對於有興趣嘅事情,佢哋都能夠做到專心一志,而過度活躍症嘅小朋友就做唔到。

2) 正常兒童雖然表現散漫,例如上課時做小動作,甚至同人發生爭執打交,但當佢意識到必須要控制自己時,都能夠控制得住,而過度活躍症嘅小朋友就冇辦法控制自己。

3) 正常兒童做快速、重覆同輪換動作時,表現得靈活自如,而過度活躍症患者就會表現得笨拙。

4) 中樞神經興奮劑可以令正常兒童變得興奮,而過度活躍症兒童服用後,則會表現得安靜,少動,注意力相對集中。但當佢哋服用鎮靜劑時,反而會變得興奮、多動。


如果小朋友喺7歲前出現明顯嘅專注力不足同活動過多,持續6個月以上,影響學習成績同正常社交,小朋友可能已經患上過度活躍症。家長們可以透過以下3個簡單測試評估一下小朋友嘅表現,如測試結果呈陽性,就需要到醫院進行進一步確診。

1) 翻手測試

小朋友將雙手並排放於桌上,掌心向下,拇指置於掌心,其餘四隻手指合起,然後將雙手翻過來,在原位重覆翻動雙手,並漸漸加快速度,觀察小朋友手肘擺動的幅度、雙手翻動時的姿勢及雙手手指是否保持合起等。手肘擺動幅度超過一個手肘的寬度,並且翻手姿勢笨拙、不協調者為陽性。

2) 指鼻測試

小朋友用左手食指指自己的鼻尖,睜著眼睛做5次,然後閉上眼睛再指5次,然後換右手食指指鼻尖,同樣是睜眼和閉眼各指5次。觀察小朋友指鼻動作的協調性和速度,動作過重、笨拙、偏差距離大則為陽性。

3) 點指測試

小朋友一手握拳,另一隻手用拇指依次序接觸其它四隻手指的指頭,可按照食指-中指-無名指-尾指-無名指-中指-食指的順序,重複3~4次,然後換另一隻手重複上述動作。觀察兒童點指動作的協調性及速度,如動作不協調或不能快速靈活地進行,即為陽性。


資料來源: Q博士

相關文章