【BB涼冷氣注意事項】點先唔會吹到病?

BB涼冷氣注意事項 點先唔會吹到病?

炎炎夏日,好多家庭都會長時間開冷氣。有啲寶寶一開冷氣就會出現鼻塞、流鼻水、喉嚨痛、咳嗽、肚痾等症狀。難道係寶寶唔適合吹冷氣?究竟點解寶寶一涼冷氣就會感冒呢? 多數係同以下原因有關。

1) 室內通風不良
大部分家用冷氣都採用空氣內循環嘅製冷方式,即不斷吸入室內空氣,製冷後再吹出令室溫降低,空氣不斷循環再用。長時間關閉門窗嘅房間雖然涼爽,但對於寶寶嘅健康有不良影響。

2) 沒有定時清洗冷氣
隔塵網會積聚大量灰塵、蟎蟲同埋細菌,呢啲壞份子會被吹到空氣中,進入咗寶寶呼吸道,就會引發打乞嚏、流鼻水等症狀,甚
至呼吸系統疾病。室內空氣乾燥都會削弱呼吸道黏膜嘅防禦功能,令寶寶更易病。

咁點先可以畀寶寶舒舒服服嘆冷氣,又唔會吹到病呢?以下有幾個方法可以預防。

1) 冷氣溫度不要過低:一般而言,冷氣溫度調到25~28度就最為適合。氣溫較高時,可以將溫差調到6~7度左右;如果氣溫唔算好高,將溫差調到3~5度就足夠,冷氣嘅風速亦不宜過強。另外要注意,出風口唔好直吹寶寶,可以將冷氣風向調校到向上吹。

2) 定時通風換氣:每隔6~8個小時就通風換氣,至少每12小時通風一次,每次持續20分鐘左右。如果夜晚開著冷氣瞓覺,臨瞓前就應該換一次氣。

3) 適當增減衣物:寶寶嘅體質唔可以同大人比較,寶寶瞓著後最好幫佢蓋上冷氣被,以免著涼。

4) 冷氣要經常清洗:上面提到,如果冷氣機隔塵網長時間唔清洗,會積聚大量灰塵、蟎蟲同細菌,所以為咗寶寶嘅健康著想,應該每半個月左右就要將隔塵網徹底清洗一次。

5) 注意空氣濕度:冷氣房內比較乾燥,寶寶長期喺冷氣房入面會容易缺水。所以,家長需要注意室內濕度,可以使用加濕器或者放置一盆水來調節,令濕度保持喺55%~70%之間。


資料來源:每日頭條

相關文章