【孕婦可以食牛油果嗎?】孕婦食牛油果好處多!

牛油果係一種營養價值非常高嘅水果,含多種維他命、豐富脂肪酸、蛋白質同大量嘅鈉、鉀、鎂、鈣等礦物質。 由於營養豐富,孕婦每日食一個已經足夠。

【孕婦食牛油果的好處】

1) 預防和舒緩便秘
牛油果含有豐富嘅纖維,孕婦食一個牛油果,就可以補充每日所需嘅34%纖維。 牛油果中嘅水溶性纖維可以幫助降低膽固醇,而非水溶性纖維可以預防及舒緩便秘。

2) 預防先天性神經管缺陷
一般情況下,醫生會建議懷孕前3個月就開始攝取葉酸,可以有效預防胎兒出現先天性神經管缺陷。葉酸仲可以減低成年人患癌症同心臟病嘅機會,幫助減少中風風險,對孕婦同胎兒都有好處。 相對於合成葉酸,牛油果中嘅天然葉酸更有吸引力。 孕婦食一個牛油果可以攝入57微克嘅葉酸,大約係孕婦每日攝取量嘅28%。

3) 降低膽固醇
飽和脂肪容易造成高血壓、高血脂,而牛油果中嘅不飽和脂肪酸,就可以幫助孕婦降低膽固醇。 不飽和脂肪對於胎兒嘅大腦發育、眼睛、神經系統同脂肪組織都有好處。

4) 美容護膚
牛油果可以減少皮膚受紫外線嘅損害,具有防曬、護膚及保健嘅三重功效。

資料來源:樂哈網

相關文章