【坐月期間唔掂得生水?】熱水都唔得?

傳統中國人坐月禁忌多多,當中最麻煩嗰樣,莫過於完全唔可以掂「生水」(即未煲過嘅水);沖涼、洗頭、洗手、洗面,甚至刷牙都要用「熟水」。每日都要勞師動眾準備大量熟水,係咪真係有必要?掂生水會「入風」呢個說法係咪已經不合時宜?

由於產婦產後身體比較虛弱,加上全身毛孔容易擴張,容易患上感冒同風濕。生水寒涼而且多細菌,所以應該避免接觸生水。但古時候嘅生水係井水或者河水,未經過濾含有大量細菌,加上要煲過先會變熱,同現今嘅自來水好唔同。所以產婦用水喉水沖涼其實冇問題,但一定要係熱水。

產後最少40天不能接觸冷水
女性子宮對於凍水非常敏感,加上產後身體特別虛弱,太早接觸凍水會嚴重影響產後身體恢復。順產最少要產後40日先可以掂凍水,剖腹產就需要更長時間。沖涼嘅水溫要保持喺36℃ - 40℃之間,具體溫度要視乎季節變化而定。即使係夏天,水溫都唔可以低過36℃,否則可能影響惡露排出,引致腹痛、月經失調等問題。

一般情況下,順產後2-5日就可以沖涼,剖腹產要大約兩星期後,但千萬唔可以浸浴,以免引起細菌感染。室溫最好保持喺24℃ - 26℃之間,每次沖涼時間唔可以超過10分鐘。沖完涼要立即將頭髮吹乾,注意保暖。

資料來源:每日頭條,MSN生活

相關文章