15歲姊姊妒忌弟弟狂桶28刀 用弟弟的血在牆壁上寫血書

姊弟爭寵竟然釀成血腥悲劇。一對來自波蘭羅茲嘅同父異母姊弟,因為姊姊不滿媽媽偏心3歲弟弟,竟然將弟弟用刀桶死,仲用咗弟弟嘅血喺牆上寫血書,行徑相當兇殘。

根據英國《太陽報》報導,犯案嘅15歲少女奧莉維亞(Oliwia)因為多年來不滿媽媽偏心同父異母嘅弟弟尼克(Niko),多次出現攻擊弟弟嘅行為。後來一家人由波蘭移居到德國,奧莉維亞嘅媽媽靠做清潔工維生,希望女兒可以幫忙照顧弟弟。

但原來奧莉維亞對於弟弟嘅怨氣根本未消,案發當日佢趁媽媽外出工作,弟弟睡覺時,竟然狂桶弟弟28刀,然後用弟弟嘅血喺牆上寫血書。媽媽返到屋企時,奧莉維亞已逃離現場。

案發後警方出動直升機搜索,最後喺案發現場10公里外成功逮捕奧莉維亞。德國檢察官表示,因為奧莉維亞相當年輕,而且承認自己殺害弟弟,所以只會面臨最高10年有期徒刑。至於牆上血書嘅內容,警方則不願透露。


資料來源:ETtoday

相關文章