6個月大女嬰染疱疹成頭紅點 沒有被親吻過懷疑經雙手傳染

外國有一名21歲媽媽Hollie Cruickshanks 日前分享咗一張嚇人嘅照片,照片入面嘅女嬰頭上,有超過一半嘅面積都佈滿「疱疹」,連眼皮上面都有,畫面十分恐怖。

根據《太陽報》報導,Hollie喺2016年誕下小女兒Oarlah,雖然係新手媽媽,但佢深知唔可以隨便親吻bb,因為bb嘅免疫力好低,所以佢已經對所有人下咗「親吻禁令」,但估唔到最後都係劫數難逃。

女嬰Oarlah喺冇同任何人過度接觸嘅情況下,仍然得到疱疹,病毒所造成嘅紅點從頭部到身體都有,甚至入侵埋眼睛,照片中可以見到,Oarlah嘅頭皮佈滿紅色點點,一路蔓延到臉部。Hollie擔心病毒入侵眼睛之後,會對女兒嘅視力造成傷害,幸好經過檢查後,發現Oarlah嘅視力並冇受到傷害,而病毒亦都喺治療24小時後有所減輕。

Hollie表示,佢喺懷孕期間睇過好多有關親吻會造成病毒感染嘅文章,除咗喺bb啱啱出世嘅時候,無法自拔咁錫咗佢一啖之外,冇俾其他人錫過佢。醫生指出,病毒有可能被轉移到雙手,而令Oarlah受感染。


資料來源:ETtoday

相關文章