搶糧食搶廁紙!新加坡部長嘲笑香港人「低能」 呼籲民眾別仿效

新冠肺炎疫情持續蔓延,除咗出現搶口罩潮,米同埋廁紙都出現缺貨情況。最近網上流傳一段新加坡貿易與工業部長陳振聲嘅錄音,內容提到對於當地人民仿效港人嘅搶購行為感到難以置信,仲嘲笑港人「低能」,呼籲民眾唔好有樣學樣。


針對香港嘅搶購潮,陳振聲表示,新加坡都出現咗搶購現象,呢種「丟臉」嘅行為對國家嘅國際地位影響深遠,「我們讓自己感到尷尬,好丟臉!」不過佢指出,即使港人做出呢種行為都唔會影響經濟地位,因為香港背靠中國,外商仍然會同香港做生意,但如果新加坡大亂,「病毒未殺死我們,我們已被自己的行為殺死」。

陳振聲最後表示,其他國家只會關注如何控制新冠肺炎疫情,「但我們不能短視,政策要更具前瞻性,如何重建經濟發展是重要的研究議題。」新加坡18日晚再新增4宗確診個案,累積確診人數已增加到81人。


資料來源:ETtoday

相關文章