2歲男童外遊馬國發燒被隔離 一家三口逃走事敗 機場爬玻璃再逃

一名2歲武漢男童同家人到馬來西亞柔佛(Johor)旅遊,期間出現咳嗽、發燒症狀,當醫院要進行隔離觀察時,男童爸爸竟然偷偷將兒子帶出醫院,打算搭飛機離開。事後,有網友目睹一家三口喺機場嘅出境室內隔離,期間爸爸企圖攀爬玻璃逃走。



該名男童於1月24日晚間到私人診所求診,之後被轉到柔州中央醫院。起初男童父母否認男童有咳嗽及發燒症狀,但經醫生檢查後發現男童疑似感染武漢肺炎,需要送到新山柏遠醫院隔離檢查。男童爸爸立即拒絕,並趁醫護人員唔為意,偷偷帶埋兒子同埋妻子逃離醫院,準備去機場搭飛機逃走,院方發現後立即報警,三人於9時20分喺機場被截獲。

事後,有網友喺士乃國際機場(Senai International Airport)拍下影片放上網,可以看見一名男子喺離境室內不斷大叫、拍打玻璃,不滿一家三口被困住,仲想攀爬玻璃逃走,附近嘅遊客同埋工作人員都被嚇到大叫。當行為被制止後,男子從衫袋中拿出一張紙條並大叫,「找個中國人來說話,我這有份報告!」現場人員則持續保持距離,並冇理會。


資料來源:ETtoday

相關文章