【當BB係人肉啞鈴】媽媽直播虐兒過程 左手舉起BB右手食煙!

美國田納西州一名媽媽竟然喺社交平台直播虐兒過程,清楚見到佢將只有1個月大嘅女兒當成啞鈴咁用左手不停上下舉起,右手就用嚟食煙,令bb狂吸二手煙,惡行爆光後被網民狂轟,並有人幫忙報警,結果呢位媽媽被捕時仲飲醉酒大叫,「反正我都唔想要呢個該死嘅bb。」

24歲女子Tybresha Sexton上月30日喺屋企透過社交平台直播虐兒,長達30分鐘嘅影片中可以見到,佢完全冇顧及女嬰安全,只用一隻手捉著對方上下舉起,仲可以見到佢不停搖晃bb,睇直播嘅網民都紛紛留言,希望可以阻止佢嘅虐兒行為,有激動網民表示,「佢會殺死個bb。」

Sexton嘅虐兒影片喺網上已獲得290萬人次觀看,熱心市民眾報案後,警方抵達現場時發現Sexton屋企充滿濃濃酒氣,佢自己亦因為飲醉酒而胡言亂語,仲搏命大叫話自己當初根本唔想生bb,後來被控虐待兒童罪、拒捕同埋其他不法行為等罪,等候審判期間女嬰暫時交由Sexton嘅母親照顧。

 

資料來源:ETtoday

相關文章