媽媽blogger為「吸Fans」整病女兒 注射尿液入女兒靜脈

澳洲一名媽媽blogger被指控毒害親生女兒,為咗博取更多粉絲關注,竟然將尿液注射入9歲女童嘅頸靜脈。據了解,女童2015年因腎衰竭同埋嚴重出疹入院,醫生喺點滴袋同埋點滴管入面發現大量酵母同埋真菌先令事件曝光。

根據澳洲新聞報導,女孩罹患基因遺傳性疾病,2015年3月腎衰竭、嚴重出疹,差啲冇命,幸好及時接受醫療。但係佢吊點滴時被發現體內有真菌同埋酵母嘅混合物,令醫生大為震驚。警方隨後到場,喺佢媽媽嘅手袋發現注射器、瀉藥同埋尿液樣本後,隨即成立專案小組調查。

據中央電訊報(Central Telegraph)報導,45歲媽媽曾任醫護人員,經常喺blog記錄母女對抗病魔嘅生活,喺世界各地擁有大批粉絲,甚至舉辦過公開籌款活動。佢聲稱冇「攻擊造成人體傷害」或者「使用毒物危害生命」,強烈否認檢方指控嘅「孟喬森症候群」(Munchausen syndrome),亦即係故意令自己或其他人生病嚟博取關注嘅一種症狀。

女童現已長大成少女,但仍然經常到新南威爾斯州醫院覆診。佢媽媽自從2015年7月被起訴後,提出不起訴申請、解僱律師團、要求審查數百份醫療報告等動作,5年後仍然未如願。案件將於2020年2月17日開庭審訊。

 

資料來源:ETtoday

相關文章