17歲男孩「晚餐只食薯條」3年後失明!

英國一名17歲男孩因為多年來只食用薯條、薯片、白麵包同煙燻香腸,喺短短3年內視力下降到失明,家人為咗照顧佢已辭職,醫生診斷後認為係嚴重缺乏維他命B12,造成視神經衰弱。

根據英國《每日郵報》報導,現年已經19歲嘅少年,由17歲開始發現自己嘅視力突然變得模糊,好快就達到「失明」狀態,到處求診後,醫生表示,男孩長期晚餐只進食薯片、薯條、白麵包、香腸等幾乎冇營養嘅食物,導致體內嚴重缺乏維他命B12,而維他命B12係補充視神經營養嘅主要來源,結果造成永久性傷害

男孩接受訪問時提到,自從眼睛變成失明就變得相當孤獨,未病變之前會同朋友一齊踢足球,現在要習慣睇唔到嘢嘅生活、學業方面都要面對好多困難,最終男孩決定休學留喺屋企。男孩嘅媽媽為咗照顧兒子,亦都辭去酒吧嘅工作,佢難過咁表示「兒子已經達到失明嘅水平,根本無法自己生活,咩都做唔到。」

 

資料來源:ETtoday

相關文章