9歲女童胃部發現500g 頭髮! 家屬:佢3歲就開始食頭髮

福建省廈門市一名9歲女童近日突然腹部劇痛,家人立即將佢送到廈大附屬中山醫院就醫,檢查後發現腹中竟然有一團重達500g嘅頭髮,由於頭髮數量太多,醫生用咗5小時先完全清除。

醫生表示,X光檢查發現,女童嘅胃腔擴張得好厲害,裡面儲存咗好多異物,再用胃鏡進一步檢查,發現胃腔居然被一團頭髮塞滿,醫生都嚇咗一跳,判斷應該係「異食癖」所造成。

經過5小時嘅手術,順利從女童胃入面取出近500g嘅頭髮,由於頭髮數量太多,做手術時除咗靠胃鏡,仲需要喺腸同埋胃各開一個洞。家屬表示,女兒由3歲開始就有食頭髮嘅習慣,但覺得情況唔嚴重,所以一直冇理會,導致胃入面積聚咗大量頭髮,目前女童康復情況良好。

 

資料來源:ETtoday

相關文章