父母只餵「純素食」! 1歲半女童只有4.9公斤 骨骼停止發育仲未出牙

澳洲有一對夫婦只餵女兒食素,導致女童嚴重營養不良,骨骼無法正常發展, 19個月大仲未長出牙齒,佢哋事發後,於去年5月首次出庭,並承認自己嘅行為已經對女兒造成嚴重傷害。

據BBC、CNN等外國傳媒報導,一位35歲爸爸同埋33歲媽媽疏於照顧女兒,一直只提供「純素食」畀小朋友食用。直到舊年因為女童癲癇發作而被送往兒童醫院進行治療,先被發現佢「睇落先得3個月大,而且冇任何牙齒。」

醫護人員檢查後發現,女童嚴重營養不良、骨質疏鬆同埋佝僂病,骨骼從出生以來就冇再發育過,院方一問之下先知道,原來呢位女童喺出生後嘅19個月,只食過「燕麥、橄欖油、米漿、蔬菜、米飯、馬鈴薯同埋豆腐」等純素嘅食物,因此攝取唔到足夠嘅營養,唔能夠正常發育。

法官Sarah Huggett表示,「呢位女孩嘅飲食完全不足以令佢茁壯成長,每個家長都有責任為子女提供均衡飲食,令佢哋有足夠嘅營養健康成長。」純素食物令女童錯過咗關鍵嘅發育時機,佢喺 19個月大嘅時候,體重只有4.89公斤,同身高完全唔合比例。

女童嘅媽媽患有抑鬱症,喺一定程度上降低咗照顧女兒嘅能力同埋責任感,而且太過迷信於宗教信仰,先會只餵女兒食「純素食」,不過佢嘅爸爸就被法官認為係「無所事事」,對於女兒嘅身體狀況漠不關心,先會忽視病情。

小女孩而家已經3歲,事發後已交由一位親戚照顧,目前發育上不但有進展,仲有進行言語埋埋物理治療。至於佢嘅父母,舊年5月時已經認咗罪,被判處18個月監禁,同埋300小時社區服務。

 

資料來源:ETtoday

相關文章