2歲女童被遺車內8小時後焗死 車內氣溫高達攝氏54度!

「你哋殺咗我個囡!」美國新澤西州一名父親因為要入獄服刑,而未夠2歲嘅女兒就被安排交由叔叔嬸嬸照顧。但呢對粗心大意嘅夫婦日前揸車到火車站附近,竟然將女童留咗喺車入面長達8小時,期間車內氣溫達到攝氏54度,最後女童被活生生焗死,令出獄後努力爭取監護權嘅父親傷心欲絕。

8月16日下午新澤西州林登沃爾德車站附近有行人發現一名女童Milliani Robertson-Lawrence被困喺車入面。警方趕到現場後將佢救出,但只有22個月大嘅Milliani被困超過8小時後已經當場死亡。根據CBS報導,女童嘅叔叔嬸嬸喺警方發現咗佢3小時後先出現。

女童嘅父親Nasir Lawrence表示,「接到電話後,我仲以為係個惡作劇。我幾乎崩潰、失去理智。」過去18個月Nasir都喺獄中服刑,出獄後佢一直努力重新獲得監護權,一心諗住即將可以同女兒重逢,點知兩父女從此天人永訣。

 

資料來源:ETtoday

相關文章