11個月大男嬰患敗血病四肢壞死 媽媽親眼目睹BB左腳「自行脫落」!

英國一名11個月大男嬰因為喉嚨受感染而引發敗血病,導致手腳組織壞死發黑,需要截肢。男嬰嘅媽媽表示,兒子四肢發黑嘅情況越來越嚴重,某日護士幫男嬰換尿片時,BB嘅左腳竟然自行脫落,親眼目睹兒子隻腳甩出嚟。

住喺Cleethorpes嘅23歲媽媽Abigail Wardle表示,兒子Oliver今年3月突然身體出現異樣,經診斷後醫生認為男嬰冇大礙就帶咗佢返屋企,但係幾日後就病得越來越嚴重,最後因為冇咗意識被送往急症室。

Oliver當時注意到Oliver隻腳變咗紫色,仲以為佢只係覺得凍,就幫佢著襪。男嬰最後被確診患上敗血病,原來佢之前喉嚨已受到感染,但醫生當時並冇發現,期後喉嚨感染發展成敗血病,而發現時已經出現手腳組織壞死嘅嚴重情況,醫生唯有決定截肢。

因為Abigail親眼目睹兒子左腳自行脫落嘅可怕情況,所以對於截肢嘅決定都表示支持,幸好Oliver做完手術後已逐漸恢復,仲有返笑容,之後將會嘗試裝上義肢。

 

資料來源:ETtoday

相關文章