年輕醫生暴力移除胎盤!22歲產婦劇痛休克心臟停止慘死

俄羅斯一名22歲年輕媽媽誕下女嬰,正式成為媽媽,原來可以盡享天倫之樂,可惜轉眼間就全部幻滅,因為婦產科醫生人手移除胎盤嘅時候唔小心將其他性器官都扯埋出嚟,媽媽首先劇痛之後嚴重出血休克,隨後陷入昏迷,最後死亡。死者嘅媽媽正在為囡囡討回公道,接受採訪時表示,希望應該負責任嘅人承擔罪行,唔好逃避。

每日郵報報導,22歲嘅Alisa Tepikina嘅分娩過程都算順利,仲對著啱啱出世嘅囡囡微笑,但因為胎盤仍然留喺體內,助產士請咗一位27歲女醫生嚟進行移除胎盤嘅程序。

然而,根據Alisa嘅 47歲爸爸Dmitry Malyukov嘅講法,呢位年輕女醫生為咗取出胎盤,用力拉扯臍帶,令到Alisa非常痛苦,痛到大叫,但係醫生無視佢嘅叫喊聲繼續拉扯,之後引發劇痛、休克、大量出血,陷入昏迷,最後心臟停止。

據了解,當時有一架直升機處於候命狀態,準備將Alisa送去大醫院搶救,但因為身體狀況唔許可所以唔可以乘搭直升機。即使調配咗多名醫生進行手術急救,但最後都挽回唔到佢嘅性命,而佢嘅官方死因就被列為痛楚引起嘅嚴重休克。

事發後,醫療團隊收到正式譴責先令事件得以曝光,但係衛生部門嘅官員仍然批准醫療團隊繼續工作。現時俄羅斯調查委員會(Russian Investigative Committee)已展開全面刑事調查,如果醫生最後被判觸犯醫療過失殺人罪,將會面臨最高三年有期徒刑。

 

資料來源:ETtoday

相關文章