3週大BB被孭帶焗死!媽媽孭BB去醫院 意外窒息死亡

家長用孭帶嘅時候要特別小心,如果唔係就有機會發生意外。澳洲一名36歲媽媽Tattika Dunn上個月帶三週大嘅兒子去醫院做檢查,途中用孭帶將BB孭喺胸前,懷疑操作錯誤,冇留意到BB被焗到抖唔到氣,去到醫院時發現已經冇咗呼吸。

根據《每日郵報》報導,新手媽媽Tattika表示,上個月8日(4月8日)佢用環型孭帶抱著3週大嘅囝囝去醫院做健康檢查,當時佢只係將BB抱喺胸前,然後用孭帶固定,當醫護人員幫BB進行檢查時,先發現佢已經冇咗呼吸心跳,醫護人員即刻幫佢進行CPR,但係已經太遲。

Tattika表示,冇諗到一時疏忽,令到寶貝兒子焗死喺自己懷中。澳洲助產專家Jane Wiggill指出,澳洲目前對嬰兒孭帶嘅相關規定仍然有漏洞,亦冇作出完整嘅法規,令到嬰兒有窒息風險,「四個月以下嘅BB唔適合用孭帶」。

澳洲競爭和消費者委員會(Australian Competition and Consumer Commission)表示,BB包住係孭帶入面的確有危險性,因為佢哋咁細個,就算焗親都好難靠自己嘅能力掙脫。

Tattika仲提醒大家,要注重每一個細節嘅安全性,珍惜身邊嘅人。

 

資料來源:ETtoday

相關文章