【破紀錄!英國龍鳳胎兄妹生日相差12日!】

超罕見!英國一名32歲媽媽,日前首先產下一名男嬰,隔咗12日先產下另一名女嬰,呢對龍鳳胎出生日竟然相差12日,破咗英國當地雙胞胎出生相差天數嘅紀錄,更離奇嘅係,呢名產婦懷孕期間並無明顯見肚,直到首次分娩前4星期,先發現自己“有喜”!

根據《每日郵報》報導, 32歲嘅英國產婦Vicky Green 懷孕26周時,出現子宮收縮現象,到醫院生咗龍鳳胎嘅哥哥 Presley ,之後宮縮停止,另一名女嬰繼續留喺媽媽嘅子宮入面。

Vicky聽從醫生指示返屋企休養,但其實佢內心相當忐忑,「我唔敢相信一個出咗世,另一個仲留喺身體入面,我只能夠祈禱,希望兩個寶寶都平安。」隔咗12天,Vicky出現嚴重感染,醫生建議佢立即分娩,結果女嬰Paisley同哥哥嘅生日相差12天。

Vicky最初並冇查覺到自己懷孕,以為冇來月經係同壓力有關,佢表示「醫生解釋係因為胎兒嘅位置喺後方,貼近我嘅脊柱。」上門求診先知道自己已經懷孕,做完產檢知道係一對龍鳳胎,令佢感到非常驚喜。

由於Vicky直到分娩前4星期先發現自己懷孕,加上嬰兒早產,所以呢對龍鳳胎喺醫院住咗5個月,確保狀態健康先安心返屋企。

 

資料來源:ETtoday

相關文章